روسیا باس لە "سیناریۆیەکی کارەساتبار" بۆ جیهان دەکات
(0) /
زایەڵە - باڵیۆزی روسیا لە ئەمریکا رایدەگەیەنێت، ئەگەر واشنتن لەسەر هەمان سیاسەتی ئێستای بەردەوام بێت بەرامبەر کێشەکان و دژایەتیکردنی روسیا، ئەو کات جیهان بەرەو "سیناریۆیەکی کارەساتبار" هەنگاو دەنێت.
ئاناتولی ئانتونۆڤ، باڵیۆزی روسیا لە ئەمریکا لە لێدوانێکی رۆژنامەنوسیدا ئاماژەی بەوەشکرد، هۆشدارییان داوە بە واشتن کە "گرەوکردنی لەسەر سەپاندنی شکستێکی ستراتیژی بەسەر ئێمەدا لە بەرەکانی شەڕ، بەخێرایی جیهان بەرەو سیناریۆیەکی کارەساتبار دەبات، بەتایبەت بڵاوکردنەوەی دەنگۆی هەڕەشەی روسیا بۆ بەکارهێنانی چەکی ئەتۆم، کە تائێستا هیچ بەرپرسێکی مۆسکۆ لەم بارەیەوە قسەی نەکردوە".
ئەوەشی خستوەتەڕو، هەوڵەکانی ئەمریکا دژی وڵاتەکەی هەنگاوی نابەرپرسانەن و دەیانەوێت لە هەمو ئاستەکاندا هێرشبکەنەسەر وڵاتەکەیان، هەروەها واشنتن هاوپەیمانەکانی لە ناتۆ بەکاردەهێنێت "بۆ ناچارکردنیان بە بانگەشەکردن بۆ گەشەکردنی پیشەسازی سەربازی ئەمریکا".
ئەوەش لەکاتێکدایە پێشتر کۆشکی سپی رایگەیاندبو، لێدوانەکانی بەرپرسانی ڕوسیا سەبارەت بە مەترسییەکانی شەڕی ئەتۆمی "جددیین، بۆیە داوا دەکەین مەترسییەکان کەمبکرێنەوە."
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: