شوان ڕابەر بۆ زایەڵە: نەخشەی زیندووکردنەوەی داعش لە ئارادایە

شوان ڕابەر ئاشکرایدەکات، بەهۆی بونی چەند هۆکارێک لەئێستادا نەخشەی زیندووکردنەوەی داعش لەئارادایە .
شوان ڕابەر ئەندامی ئەنجومەنی باڵای کۆمەڵی دادگەری کوردستان لەوتووێژی  لەگەڵ زایەڵە ڕایگەیاند،  ئێستا نەخشەی زیندوو کردنەوەی داعش لەئارادایە، زیندوو کردنەوەی داعش پەیوەندی و نیاز و  بەرنامە و هاوکێشەی نێودەوڵەتیە لە عێراق چەکداری دیکە هەیە و بەهۆی ئەوەی هاوپەیمانان دەکشێنەوە  و دەسەڵاتی سەربازی عێراق لاوازە هەندێک وڵات و هەندێک گروپی چەکدار داعش زیندوو دەکەنەوە بۆئەوەی عێراق بگاتە ئەو بڕوایەی کە بەبێ وڵاتان ناتوانێ سیادەی خۆی بپارێزێت .
وتیشی، لەلایەکی دیکەوە  بۆ ئەوەی  دەسەڵاتی ئێستای عێراق  لەخۆی دڵنیا نەبێ ، نەخاسمە کە ئەنجامی هەڵبژاردنی ئەمجارەش  بەدڵی هەندێک لایەن و گروپ نیە  هەندێک لەوانە  حەز لە شڵەژان و شلەقانی بارودۆخەکە  دەکەن .وەهەروەها تەسفیە حسابات لەسەر کەوڵی کێشەکان  دەکەن .
ڕونیشیکردەوە، لەلایەکی  دیکەوە  پەیوەندی هەرێمی کوردستان و بەغداد  لەدوای ئەنجامدانی هەڵبژاردنی ڕێفراندۆم خراپە، هەندێک گروپ و  وڵات هاوکاری ئەو فەوزایە دەکەن دژی هەرێمی کوردستان، نەخاسمە هەرێم ڕێگەبەوە بدات کە ببێتە جێگای مانەوەی هاوپەیمانان ، هەموو ئەو هۆکارانە و زیاتریش هۆکارن بۆ  هاوکاری کردنی داعش وەک ئامێری  دژ و کارتی فشار  .
سازدانی -  کامەران کەریم