زایەڵە-روانگەی ئابوریی "ئیكۆ عیراق":ئاستی بەرهەمهێنانی نەوت لە كێڵگە نەوتییەكانی هەرێمی كوردستان بەرزبووەتەوە بۆ  نزیكەی 120 هەزار بەرمیلی رۆژانە،

چاوەڕوانیش دەكرێت تاكو كۆتایی مانگی داهاتوو ئاستی بەرهەمهێنان بگاتە نزیكەی 280 هەزار بەرمیل.

 دوای ئەوەی بەهۆی هێرشە درۆنییەكانی چەند هەفتەی رابردووەوە بۆ سەر كێڵگە نەوتییەكانی هەرێم ئاستی بەرهەمهێنانی نەوت لەو كێڵگانە بۆ 81 هەزار بەرمیلی رۆژانە دابەزی، ئێستا ئاستی بەرهەمهێنان لەو كێڵگانە بەرزبووەتەوە و گەیشتووەتە نزیكەی 120 هەزار بەرمیل.

چاوەڕوان دەكرێت تاكو كۆتاییەكانی مانگی داهاتوو ئاستی بەرهەمهێنانی نەوت لە كێڵگە نەوتییەكانی هەرێمی كوردستان بگاتە نزیكەی 280 هەزار بەرمیلی رۆژانە.

ئاساییبوونەوەی ئاستی بەرهەمهێنانی نەوت لە كێڵگە نەوتییەكانی هەرێمی كوردستان بەشدارییەكی بەرچاوی دەبێت لە چارەسەركردنی ناكۆكییەكانی نێوان بەغداد و هەولێر لەسەر دۆسییەی نەوت و میكانیزمی هەناردەكردنی.