گەشتێک لە لایەن گرووپی شاخەوانی ژیلوان بۆ تونی عازەبان ئەنجام درا
(0) /
زایەڵە ـــ گرووپی شاخەوانی ژیلوان گەشتێکی شاخەوانی سازدا بۆ تونی عازەبان و ناوچەی دەوروبەر.
بەشی ڕاگەیاندنی گرووپی شاخەوانی ژیلوان: لەگەڵ كۆمەڵێك خوشك و برای خۆشەویست لە گروپەكەمان گروپی شاخەوانی ژیلوان بەگەشتێكی شاخەوانی بەڕێكەوتین بۆ تونی عازەبان لەسنوری دەربەندیخان لە كەش و هەوایەكی بەهارەی خۆشدا.
بەشی ڕاگەیاندن ئاماژەی دا: لە سنوری ئاواییەكانی ئەحمەد بڕنەو ، وازۆڵ عازەبان، چنارە، میرەدێ، سییارە، نێرگسە، جار بیركێ، تێپەڕین و تاسەر بەنداوی دەربەندیخان مام عوسمان هاوڕێی گروپ و شارەزای ناوچەكە پێشڕەوی كردین.
بەشی ڕاگەیاندن وتیشی: بەڕاستی لەو ناوچەیە بەهارێكی خۆشە و دونیا وەك فەرشێكی سەوزی لێهاتووە و چاو تێر نابێت لە سەیركردنی بەسەر دەیان جۆگە و ڕوباردا پەڕینەوە دووانیوەڕۆش بەرەو ماڵ گەڕاینەوە
زۆر سوپاسی خەڵكی ناوچەكەش دەكەین.
تێبينيێك بنێرە: