بەڕێوەبەرایەتیی تەندروستیی سلێمانی چالاکییەکی بەپێ رۆیشتن لە پارکی ئازادی بۆ کارمەندانی ساز دەکات
(0) /
زایەڵە - بڕیارە سبەینێ پێنجشەممە بەڕێوەبەرایەتیی تەندروستیی سلێمانی چالاکییەکی بەپێ رۆیشتن لە پارکی ئازادی سلێمانی بۆ کارمەندانی تەندروستی سازبکات.
بەڕێوەبەرایەتیی تەندروستیی سلێمانی لە راگەیەندراوێکدا بڵاویکردەوە، سبەینێ پێنجشەممە كاتژمێر 9:00 ی بەیانی بە بەشداریی ستافەكانی ناوەندی تەندروستیی چالاكییەكی رۆیشتن بەپێ لە پاركی ئازادی شاری سلێمانی رێکدەخەین بەئامانجی ئەوەی هەمووان بەشداربن لە جووڵە و وەرزش تاوەكو تەندروستیان باش بێت.
ئاماژەی بەوەشکرد، ئەو چالاكیە بڕیار بوو بەبۆنەی رۆژی جیهانیی تەندروستی لە 7ی نیسان رێكبخرایە، بەڵام بەهۆی ئەوەی یادەكە كەوتە مانگی رەمەزان، چالاكییەکە دواخرا بۆ 25 ی نیسان.
هەموو ستافی ناوەندە تەندروستییەكان دەتوانن بەشداربن لەم چالاكیەدا بەهۆی ئەوەی هەموو چالاكیەكی جووڵە و وەرزش راستەوخۆ كاریگەریی دەبێت لەسەر تەندروستی تاك و كۆمەڵ.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: