هەڵەبجە..پزیشکانی ئێرانی بەرکەوتووانی چەکی کیمیاییان بینی
(0)
یەكەم رۆژی پشكنینی بەركەوتوانی چەكی كیمیایی لە هەڵەبجە لە نەخۆشخانەی بەركەوتوانی چەكی كیمیایی دەستی پێکرا.
بەپێی ڕاپۆرتی زایەڵە، د، ئازاد مستەفا، بەڕێوەبەری گشتی تەندروستی هەڵەبجە بە زایەڵەی ڕاگەیاند، رێكەوتی ١٠-٣-٢٠٢١ یەكەم رۆژی پشكنینی بەركەوتوانی چەكی كیمیایی لە هەڵەبجە لە نەخۆشخانەی بەركەوتوانی چەكی كیمیایی دەستی پێکرا.
وتیشی: سوپاس بۆ هاوسەرۆكانی یەكیێتی نیشتمانی كوردستان ، سوپاس بۆ كۆماری ئیسلامی ئێران، سوپاس بۆ هەڤاڵان لە پەیوەندیەكانی یەكیێتی نیشتمانی لە كۆماری ئیسلامی ئێران، بۆ هەماهەنگییان بۆ خستنە ئەستۆی تێچووی هەندێك نەشتەرگەری لەلایەن بەرێزان هاوسەرۆكانی یەكیێتی و كۆماری ئیسلامی ئێران، یەكەم رۆژی پشكنینی بەركەوتوانی چەكی كیمیایی لە هەڵەبجە لە نەخۆشخانەی بەركەوتوانی چەكی كیمیایی دەستی پێکرا.
جەختیشی کرد: رۆژی دووەم بەردەوام دەبین .
ناوبراو وتیشی، سوپاس بۆ سەردانی بەرێزان كاك محمدی حاجی محمود و ئاغای ئەسەدی نوێنەری كۆماری ئیسلامی ئێران وسەید ئەحمەد بەرزنجی .
ڕونیشیکرەوە ، بینینی پزیشكان تەنها بۆ چارەسەرو وەرگرتنی دەرمانە بە هیچ جۆرێك لە ئێستادا بۆ مامەڵەی ناساندن وەك بەركەوتەی چەكی كیمیایی نیە و لە ئایندەیەكی زۆر نزیكدا لیژنەی تایبەتمەندی وەزارەتی تەندرووستی و وەزارەتی شەهیدانی حكومەتی هەرێمی كوردستان بەو كارە هەڵدەستن .
کامەران کەریم
تێبينيێك بنێرە: