سێ تۆمەتبار بەتۆمەتی بڕینی نوسینگەیەكی حەواڵەی دراو لە سلێمانی دەستگیركران
(0) /
زایەڵە - بەتۆمەتی بڕینی نوسینگەیەكی حەواڵەی دراو ، لەلایەن مەفرەزەكانی نوسینگەی نەهێشتنی تاوانی ناوبازاڕ و بەهاوكاری نوسینگەی كوردساتی نەهێشتنی تاوان سێ تۆمەتبار دەستگیركران .
پۆلیسی سلێمانی ڕایگەیاند: لەساتی گەڕان و دەرچوونەكانی مەفرەزەكانی نەهێشتنی تاوانی سلێمانی بۆناو بازاڕ و گەڕەكەكانی شاری سلێمانی ، لەلایەن مەفرەزەكانی نوسینگەی نەهێشتنی تاوانی ناوبازاڕ و بەهاوكاری نوسینگەی كوردساتی نەهێشتنی تاوان سێ تۆمەتبار لەساتی بڕینی نوسینگەیەكی حەواڵەی دراو دەستگیركران و دەستیش گیرا بەسەر بڕی 40 ملیۆن دینار و ژمارەیەكی زۆر كارتی هێڵەكانی پەیوەندی و ئینتەرنێت .
لەكاتی لێكۆڵینەوەكان دەركەوت كە منداڵێكی خاوەن نوسینگەكە هاوكاری تۆمەتباران بووە بۆ بڕینی نوسینگەكە .
لەئێستادا هەرسێ تۆمەتبار :
م،ك،ر لەدایكبووی 1986
پ،ر،ع لەدایكبووی 2001
ر،ع،ع لەدایكبووی 2001
بەبڕیاری بەڕێز دادوەرو بەپێی ماددەی 443 لەیاسای سزادانی عیراقی ڕاگیراوەو لێكۆڵینەوە لەگەڵیان بەردەوامە .
کامەران کەریم
تێبينيێك بنێرە: