گرنگترین ڤیتامین و کانزاکان  بۆ دەموچاو کامانەن؟

زایەڵە ـــ  پاراستنی گەشی  دەموچاو   و هێشتنەوەی بە گەشاوەیی و گەنجی پێویستی بە کۆمەڵێک ڤیتامین هەیە  کە ڕۆڵیان هەیە بۆ  پاراستن وبەهێزکردنی تەندروستی پێست و ڕێگەگرتن لە چرچ و لۆچی و خاڵی ڕەش  و  دەرکەوتنی هێڵیڕەش لەژێر چاو کەوا لێرەدا ئاماژەیان پێ دەکەین

١ -- ڤیتامین ( D  ) : سەرچاوەی سەرەکی بریتییە لە تیشکی خۆر لە نێوان سەعات دەی بەیانی بۆ  چواری عەسر، لە خۆراکدا بڕێکی زۆر کەم هەیە بێجگە لە زەیتی جگەری نەهەنگ، ماسیە چەوریەکان وەک سەلموون و ماکڕوێل.
٢ -- ڤیتامین ( C ) :ڕۆڵێکی سەرەکی هەیە لە پێکهاتنی کۆلاجین و ڕێگەگرتن لە پیربوونی پێست و دەرکەوتنی چرچ و لۆچی و بەڕێژەیەکی بەرز له پێستی دەموچاودا  هەیە: گرنگترین سەرچاوەکانی خۆراک، میوە مزرە مەنیەکان ، هەڵوژە ، شلیک ، بیبەر ،  هەنار ، قۆخ ، هەرمێ ، کێوی .
٣ --- ڤیتامین ( E ) : گرنگە لە پڕۆسەی خوێن مەیین لە جەستە بۆیە یارمەتی زوو ساڕێژ بوونی برین و پەڵەی شین بوونەوەی پێست و شوێنی نەشتەرگەری ئەدات ، سەرچاوەی سەرەکی خۆراک : سپێناخ ، کەلەرم ، کاهوو ، فاسۆلیای سەوز ، بڕۆکلی ، دەنکەکوولەکە ، دەنکی کەتان ، ئەڤۆگادۆ
٤ ---  ڤیتامین  (  A )  :  یەکێکە لە گرنگترین ڤیتامینەکان بۆ تەندروستی پێست  و بەکار دەهێنرێت بۆ چارەسەری عازەبە ، هەروەها ڕۆڵی هەیه لە خۆپاراستن لە سووتانی پێست بە هۆی هەتاوەوە، گرنگترین سەرچاوەکانی خۆراک ،  میوە و سەوزە ڕەنگ پڕتەقاڵیەکان وەک گێزەر ، کاڵەک ، پڕتەقاڵ ، پەتاتەی شیرین ،  هەروەها  ماست ، هێلکە ،  زەیتی جگەری نەهەنگ .
٥-- ڤیتامین ( B 3  ) :  یارمەتی شێدارکردنەوەی پێست و چاک کردنەوەی خانە زیان پێگەیشتووەکان بە هۆی تیشکی سەروو وەنەوەشەیی ئەدات لەگەڵ کەمکردنەوەی ئەگەری شێرپەنجەی پێست : گرنگترین سەرچاوەکانی خۆراک  ، دانەوێڵەتەواوەکان ، بادام ، فستق ، سەوزە گەڵاتۆخەکان ، ئەڤۆگادۆ،

کەژاڵ حەمیدی